الـــإ مساك أول حاجة محتاجين تعريف.
هو لو الشخص مفضاش بطنه يوم، كدا عنده إمساك ؟
الإ جابة: لا. الشخص يعتبر عنده المشكلة دي لو تفضيه البطن أقل من ثلث مرات في الإسبوع. و أن الإخراج مش بيتم بسهولة. و الفضلات بتبقي ناشفه.
طب الاسباب أيه 🤔
اول حاجة هي النظام الغذائي الي مش متكامل. مفيش الياف كفايه بتتآكل. الالياف نوعين في نوع بيبقي قابل للذوبان و دا بيعمل جيل ملين زي الموجود في قشور السيليوم الي عملت فيديو قبل كدا عنها.
و في نوع بيبقي غير قابل للذوبان و دا بيزود حجم الفضلات فبيزود الحاجة لطردها و يلين. فلو مفيش أكل غني بالألياف طبيعي يكون في إمساك.
من الاسباب بردوا عدم شرب قدر كافي من المياه
و الضغط النفسي Stress لانه بيقلل من انقباض عضلات القولون.
كمان لما تأجل في دخول الحمام لما تحس أنك محتاج لان كل ما تتأخر كل ما الفضلات بتنشف أكتر و خروجها بيبقي أصعب.
كتر اللحوم و الجبن و اللبن من آسباب الإمساك.
عدم الحركة زي الي في السرير لاي سبب من الاسباب شفاه الله و عفاه.
طبعا لو شخص بصحة أحمد ربنا و في الحركة بركة 😁
تغيير الروتين زي وقت السفر و دا طبعا عند البعض. في ناس و لا تفرق.
بعض الادويه زي ادويه الحموضه العاليه بال كالسيوم و الالومنيوم و المسكنات القوية علشان كدا الي بيعمل عمليه لازم بتاكدوا انه اخرج اي حاجه و لو ريح قبل ما يروح بالسلامه علي البيت. كمان آقراص الحديد و مضادات الاكتئاب.
و بعض المشاكل الصحية زي السكته الدماغيه Stroke و الشلل الرعاش Parkinson's disease و ال MS و السكر و مشاكل القولون زي القولون العصبي و ال Diverticulosis
ليس هذا فقط يا أحبائي كمان كتر أستخدام الملين عمال علي بطال لحد ما القولون مش بيشغل الا بيه. الملين يستخدم بحد أقصي أسبوعين و بوصف طبيب.
مشاكل الهرمونات زي قلة نشاط الغدة الدرقية من ضمن الأسباب.
كبار السن يعني من فوق ال ٦٥ حفظهم الله و بارك في عمرهم بيزيد موضوع الامساك دا عندهم.
الحمل بسبب الهرمونات و البيبي الي ضاغط علي القولون 👶 برحتك يا حبيبي 😁
طب نعمل ايه و الوقاية أزاي 🤔
اول حاجة طبعا تغيير النظام الغذائي بزيادة الالياف زي الخضار و و الفاكهة و الحبوب الكاملة. بس زود بالتدريج.
تقليل الجبن و اللبن و اللحوم و كل ما هو صناعي.
زيادة الحركة و لو مجرد مشي نص ساعة في اليوم.
اول ما تحس انك عايز تدخل الحمام متاجلش.
اشرب ميه علي اد ما تقدر الا لو الدكتور طالب تحديد كميه السوائل لاي سبب مرضي معين.
تقليل الكافين لانه بيسبب جفاف.
اشرب مشروبات دافيه خصوصا الصبح.
البكتريا النافعه بتفيد فحاجة زي الزبادي او المخلل (طبعا لو ضغط الدم طبيعي) بتساعد علي نمو صحي للبكتريا دي.
ممكن استخدام سلمه زي الموضح في الصورة كدا علشان تعرف تضغط بشكل كويس علي بطنك في الاخراج يبقي اسهل.
و كدا خلصنا موضوعنا. انا هدفي فقط التوعيه بالصحة العامة و اي حاجه بكتبها او بقولها لا تغني عن زيارة طبيب او اخذ العلاج ❤️
متنسوش تعملوا اشتراك في قناتي علي Youtube
Facebook page:
لا يوجد تعليقات
أضف تعليق
التعليق علي الموضوع